ក្រសួងសេដ្ឋកិច្ចនិងហិរញ្ញវត្ថុ

សេចក្តីប្រកាសព័ត៌មាន ស្តីពីការរៀបចំសិក្ខាសាលាដោយផ្ទាល់និងតាមប្រព័ន្ធអនឡាញ ស្តីពីកាតព្វកិច្ចពន្ធលើចំណេញមូលធនក្រៅពីអចលនទ្រព្យ សម្រាប់អ្នកជាប់ពន្ធនៅរាជធានីភ្នំពេញ ខេត្តកណ្តាល ខេត្តកំពង់ឆ្នាំង ខេត្តតាកែវ ខេត្តព្រៃវែង ខេត្តកំពង់ចាម ខេត្តកំពង់ធំ និងខេត្តស្វាយរៀង

សេចក្តីប្រកាសព័ត៌មាន ស្តីពីការចូលរួមកិច្ចប្រជុំរបស់គណៈកម្មធិការវាយតម្លៃនៃវេទិកាសកលស្តីពីតម្លាភាព និងការផ្លាស់ប្តូរព័ត៌មានសម្រាប់គោលបំណងពន្ធ (Peer Review and Monitoring Group - PRMG) ស្តីពី របាយការណ៍វាយតម្លៃការផ្លាស់ប្តូរព័ត៌មានតាមការស្នើសុំ (ជុំទី២) ឆ្នាំ២០២៦ នៅទីក្រុងប៉ារីស ប្រទេសបារាំង

កិច្ចពិភាក្សាតុមូល ស្តីពីផលប្រយោជន៍ នៃពន្ធលើប្រាក់ចំណូល

សេចក្តីប្រកាសព័ត៌មាន ស្តីពីសិក្ខាសាលាផ្សព្វផ្សាយពីកាតព្វកិច្ចបិទតែមប្រិ៍ អាករសម្រាប់បារី អាករពិសេស និងអាករសម្រាប់បំភ្លឺសាធារណៈ

នាព្រឹកថ្ងៃអង្គារ ៦ កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៤ ខែមីនា ឆ្នាំ២០២៦ នៅសាលអប្សរា នៃអគារអគ្គនាយកដ្ឋានពន្ធដារ មានរៀបចំពិធីសំណេះសំណាល និងពិសាអាហារសាមគ្គីជាមួយនិវត្តជន នៃសមាគមបុគ្គលិកពន្ធដារកម្ពុជា ក្រោមអធិបតីភាពដ៏ខ្ពង់ខ្ពស់ សម្តេចសេដ្ឋវិទូភក្តី គាត ឈន់ ប្រធានកិត្តិយសឧត្តមក្រុមប្រឹក្សាសេដ្ឋកិច្ចជាតិ ដោយមានចូលរួមពី ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ និងជាអនុប្រធានកិត្តិយសសមាគមបុគ្គលិកពន្ធដារកម្ពុជា ឯកឧត្តម ស៊ឹម អៀង អតីតប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ឯកឧត្តម វ៉ាន់ ពុទ្ធិពល អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអនុប្រធានកិត្តិយសសមាគមបុគ្គលិកពន្ធដារកម្ពុជា ឯកឧត្តម ជាប ដាវុធ អគ្គនាយករងនៃអគ្គនាយកដ្ឋានពន្ធដារ និងជាប្រធានសមាគមបុគ្គលិកពន្ធដារកម្ពុជា ថ្នាក់ដឹកនាំ និងមន្ត្រីរាជការពាក់ព័ន្ធនៃអគ្គនាយកដ្ឋានពន្ធដារ ព្រមទាំងការចូលរួមពីនិវត្តជននៃសមាគមបុគ្គលិកពន្ធដារកម្ពុជា ប្រមាណ ៥០០ រូប។