ក្រសួងសេដ្ឋកិច្ចនិងហិរញ្ញវត្ថុ

នាព្រឹកថ្ងៃអង្គារ ៦ កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៤ ខែមីនា ឆ្នាំ២០២៦ នៅសាលអប្សរា នៃអគារអគ្គនាយកដ្ឋានពន្ធដារ មានរៀបចំពិធីសំណេះសំណាល និងពិសាអាហារសាមគ្គីជាមួយនិវត្តជន នៃសមាគមបុគ្គលិកពន្ធដារកម្ពុជា ក្រោមអធិបតីភាពដ៏ខ្ពង់ខ្ពស់ សម្តេចសេដ្ឋវិទូភក្តី គាត ឈន់ ប្រធានកិត្តិយសឧត្តមក្រុមប្រឹក្សាសេដ្ឋកិច្ចជាតិ ដោយមានចូលរួមពី ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ និងជាអនុប្រធានកិត្តិយសសមាគមបុគ្គលិកពន្ធដារកម្ពុជា ឯកឧត្តម ស៊ឹម អៀង អតីតប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ឯកឧត្តម វ៉ាន់ ពុទ្ធិពល អនុរដ្ឋលេខាធិការក្រសួងសេដ្ឋកិច្ចនិងហិរញ្ញវត្ថុ និងជាអនុប្រធានកិត្តិយសសមាគមបុគ្គលិកពន្ធដារកម្ពុជា ឯកឧត្តម ជាប ដាវុធ អគ្គនាយករងនៃអគ្គនាយកដ្ឋានពន្ធដារ និងជាប្រធានសមាគមបុគ្គលិកពន្ធដារកម្ពុជា ថ្នាក់ដឹកនាំ និងមន្ត្រីរាជការពាក់ព័ន្ធនៃអគ្គនាយកដ្ឋានពន្ធដារ ព្រមទាំងការចូលរួមពីនិវត្តជននៃសមាគមបុគ្គលិកពន្ធដារកម្ពុជា ប្រមាណ ៥០០ រូប។

សេចក្តីប្រកាសព័ត៌មាន ស្តីពីការចុះអប់រំនិងបង្រ្កាបទីតាំងចែកចាយបារីខុសច្បាប់ (បារីមិនមានបិទតែមប្រិ៍អាករ) របស់ក្រុមការងារចម្រុះតែមប្រិ៍

នាព្រឹកថ្ងៃចន្ទ ៥ កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៣ ខែមីនា ឆ្នាំ២០២៦ នៅសាលប្រជុំតាព្រហ្មនៃអគ្គនាយកដ្ឋានពន្ធដារ មានរៀបចំកិច្ចប្រជុំបូកសរុបលទ្ធផលការងារគ្រប់គ្រងប្រមូលចំណូលពន្ធប្រចាំខែកុម្ភៈ និងសម្រាប់រយៈពេល ២ខែ ឆ្នាំ២០២៦ ព្រមទាំងទិសដៅសម្រាប់អនុវត្តបន្តរបស់អគ្គនាយកដ្ឋានពន្ធដារ ក្រោមអធិបតីភាពដ៏ខ្ពង់ខ្ពស់ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ដែលមានការចូលរួមដោយផ្ទាល់ពី ឯកឧត្តម លោកជំទាវ លោកអគ្គនាយករង ទីប្រឹក្សាក្រសួងសេដ្ឋកិច្ចនិងហិរញ្ញវត្ថុ ថ្នាក់ដឹកនាំនាយកដ្ឋានថ្នាក់កណ្តាល ទីចាត់ការពន្ធដាររាជធានីភ្នំពេញ សាលាជាតិពន្ធដារ អង្គភាពសវនកម្មពន្ធដារពិសេស សាខាពន្ធដារខណ្ឌ ព្រមទាំងមានការចូលរួមតាមអនឡាញពីសាខាពន្ធដារខេត្ត និងមន្ត្រីរាជការពន្ធដារពាក់ព័ន្ធទាំងអស់ ក្រោមចំណុះអគ្គនាយកដ្ឋានពន្ធដារ៕

នាព្រឹកថ្ងៃសុក្រ ២ កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២០ ខែមីនា ឆ្នាំ២០២៦ នៅបន្ទប់ប្រជុំតាព្រហ្ម នៃអគារអគ្គនាយកដ្ឋានពន្ធដារ មានរៀបចំកិច្ចប្រជុំពិភាក្សាជាមួយជំនាញការនៃគម្រោង Twinning ក្រោមកិច្ចព្រមព្រៀងហិរញ្ញប្បទានឥតសំណងរវាងរាជរដ្ឋាភិបាលកម្ពុជា និងសហភាពអឺរ៉ុប (EU) ក្រោមអធិបតីភាពដ៏ខ្ពង់ខ្ពស់ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ដោយមានការចូលរួមពីលោកស្រី Florence Boisset Repkat ប្រធានក្រុមការងារ និងសហការីនៃក្រុមការងារគម្រោង Twinning ព្រមទាំងមានវត្តមានចូលរួមពីថ្នាក់ដឹកនាំ និងមន្ត្រីរាជការពាក់ព័ន្ធនៃអគ្គនាយកដ្ឋានពន្ធដារ។

សេចក្តីប្រកាសព័ត៌មាន ស្តីពីការរៀបចំសិក្ខាសាលាស្តីពី កាតព្វកិច្ចពន្ធលើចំណេញមូលធនក្រៅពីអចលនទ្រព្យ សម្រាប់អ្នកជាប់ពន្ធនៅខេត្តមណ្ឌលគិរី ខេត្តក្រចេះ ខេត្តរតនគិរី ខេត្តស្ទឹងត្រែង និងខេត្តត្បូងឃ្មុំ