ក្រសួងសេដ្ឋកិច្ចនិងហិរញ្ញវត្ថុ

នាថ្ងៃអង្គារ ១៣កើត ដល់ថ្ងៃព្រហស្បតិ៍ ១៥កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣១ ខែមីនា ដល់ថ្ងៃទី២ ខែមេសា ឆ្នាំ២០២៦ គណៈប្រតិភូនៃអគ្គនាយកដ្ឋានពន្ធដារ រួមមានលោក សេង ជាសិទ្ធ ប្រធាននាយកដ្ឋាននីតិកម្ម គោលនយោបាយសារពើពន្ធ និងសហប្រតិបត្តិការពន្ធដារអន្តរជាតិ (ន.នគសអ) លោក សូ វិសុទ្ធ អនុប្រធាននាយកដ្ឋានបច្ចេកវិទ្យាព័ត៌មាន និងលោក ម៉ុង ឡាមី ប្រធានការិយាល័យនៃន.នគសអ បានចូលរួមសន្និសីទជាន់ខ្ពស់លើកទី១ ដំណាក់ទី៣ របស់បណ្ដាញគ្រប់គ្រងចំណាយសាធារណៈនៅអាស៊ី (Public Expenditure Management Network in Asia – PEMNA) ជាលក្ខណៈរូបវន្ត នៅសាធារណរដ្ឋកូរ៉េ ដែលសហការរៀបចំដោយក្រសួងផែនការនិងថវិកានៃសាធារណរដ្ឋកូរ៉េ និងធនាគារពិភពលោក ក្រោមការដឹកនាំដោយឯកឧត្តម មាស សុខសេនសាន្ត តំណាងដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ចនិងហិរញ្ញវត្ថុ អមដោយថ្នាក់ដឹកនាំនិងមន្រ្តីបច្ចេកទេសផ្សេងទៀតពីអគ្គនាយកដ្ឋានថវិកា និងអគ្គនាយកដ្ឋានរតនាគារជាតិ។

នាព្រឹកថ្ងៃចន្ទ ១២កើត ខែចេត្រ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៣០ ខែមីនា ឆ្នាំ២០២៦ នៅសណ្ឋាគារភ្នំពេញ អគ្គនាយកដ្ឋានពន្ធដារសហការជាមួយ សមាគមផលិតគ្រឿងអេឡិចត្រូនិក និង បច្ចេកវិទ្យាកម្ពុជា (CETMA) បានរៀបចំសិក្ខាសាលាផ្សព្វផ្សាយស្តីពី “កាតព្វកិច្ចសារពើពន្ធរបស់ រោងចក្រសហគ្រាសផលិតគ្រឿងអេឡិចត្រូនិក និងអគ្គិសនី” ក្រោមអធិបតីភាព លោកបណ្ឌិត អេង រតនា ប្រធាននាយកដ្ឋានគ្រប់គ្រងអ្នកជាប់ពន្ធធំ តំណាងដ៏ខ្ពង់ខ្ពស់ឯកឧត្តម គង់ វិបុល រដ្ឋមន្រ្តីប្រតិភូអមនាយករដ្ឋមន្រ្តី និងជាប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ និងលោក ឈុយ ហ្វង់ ប្រធានសមាគម CETMA ដោយមានការចូលរួមពីថ្នាក់ដឹកនាំនិងមន្ត្រីជំនាញពាក់ព័ន្ធ នៃអគ្គនាយកដ្ឋានពន្ធដារ និងថ្នាក់ដឹកនាំសមាគម ព្រមទាំងវត្តមានចូលរួមរបស់ អភិបាល បណ្ណាធិការ និងតំណាងក្រុមហ៊ុន ជាសមាជិកនៃសមាគម សរុបប្រមាណ ៥៥ រូប។

សេចក្តីប្រកាសព័ត៌មាន ស្តីពីការចុះត្រួតពិនិត្យកាតព្វកិច្ចបិទតែមប្រិ៍អាករសម្រាប់បារីរបស់អគ្គនាយកដ្ឋានពន្ធដារ និងអគ្គនាយកដ្ឋានគយនិងរដ្ឋាករកម្ពុជា (ក្រុមការងារចម្រុះតែមប្រិ៍)

សេចក្តីប្រកាសព័ត៌មាន ស្តីពីការរៀបចំសិក្ខាសាលាដោយផ្ទាល់និងតាមប្រព័ន្ធអនឡាញ ស្តីពីកាតព្វកិច្ចពន្ធលើចំណេញមូលធនក្រៅពីអចលនទ្រព្យ សម្រាប់អ្នកជាប់ពន្ធនៅរាជធានីភ្នំពេញ ខេត្តកណ្តាល ខេត្តកំពង់ឆ្នាំង ខេត្តតាកែវ ខេត្តព្រៃវែង ខេត្តកំពង់ចាម ខេត្តកំពង់ធំ និងខេត្តស្វាយរៀង

សេចក្តីប្រកាសព័ត៌មាន ស្តីពីការចូលរួមកិច្ចប្រជុំរបស់គណៈកម្មធិការវាយតម្លៃនៃវេទិកាសកលស្តីពីតម្លាភាព និងការផ្លាស់ប្តូរព័ត៌មានសម្រាប់គោលបំណងពន្ធ (Peer Review and Monitoring Group - PRMG) ស្តីពី របាយការណ៍វាយតម្លៃការផ្លាស់ប្តូរព័ត៌មានតាមការស្នើសុំ (ជុំទី២) ឆ្នាំ២០២៦ នៅទីក្រុងប៉ារីស ប្រទេសបារាំង