ក្រសួងសេដ្ឋកិច្ចនិងហិរញ្ញវត្ថុ

អបអរសាទរទិវាពលកម្មអន្តរជាតិ

អបអរសាទរខួបលើកទី២៧ កម្ពុជាចូលជាសមាជិកអាស៊ាន

នាព្រឹកថ្ងៃចន្ទ ១១ កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៧ ខែមេសា ឆ្នាំ២០២៦ នៅសាលប្រជុំតាព្រហ្មនៃអគ្គនាយកដ្ឋានពន្ធដារ មានរៀបចំកិច្ចប្រជុំបូកសរុបលទ្ធផលការងារគ្រប់គ្រងប្រមូលចំណូលពន្ធប្រចាំខែមីនា និងសម្រាប់រយៈពេល ៣ខែ ឆ្នាំ២០២៦ ព្រមទាំងទិសដៅសម្រាប់អនុវត្តបន្តរបស់អគ្គនាយកដ្ឋានពន្ធដារ ក្រោមអធិបតីភាពដ៏ខ្ពង់ខ្ពស់ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ដែលមានការចូលរួមដោយផ្ទាល់ពី ឯកឧត្តម លោកជំទាវ លោកអគ្គនាយករង ទីប្រឹក្សាក្រសួងសេដ្ឋកិច្ចនិងហិរញ្ញវត្ថុ ថ្នាក់ដឹកនាំនាយកដ្ឋានថ្នាក់កណ្តាល ទីចាត់ការពន្ធដាររាជធានីភ្នំពេញ សាលាជាតិពន្ធដារ អង្គភាពសវនកម្មពន្ធដារពិសេស សាខាពន្ធដារខណ្ឌ ព្រមទាំងមានការចូលរួមតាមអនឡាញពីសាខាពន្ធដារខេត្ត និងមន្ត្រីរាជការពន្ធដារពាក់ព័ន្ធទាំងអស់ ក្រោមចំណុះអគ្គនាយកដ្ឋានពន្ធដារ៕

នារសៀលថ្ងៃអង្គារ ៥ កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២១ ខែមេសា ឆ្នាំ២០២៦ នៅ អគ្គនាយកដ្ឋានពន្ធដារ (GDT Tower) បានរៀបចំកិច្ចប្រជុំពិភាក្សាប្រចាំឆ្នាំ២០២៦ ជាមួយនឹងក្រុមបេសកកម្មអង្គភាពស្រាវជ្រាវម៉ាក្រូសេដ្ឋកិច្ចអាស៊ានបូក៣ (ASEAN+3 Macroeconomic Research Office – AMRO) ដើម្បីផ្លាស់ប្ដូរយោបល់អំពីការគ្រប់គ្រងប្រមូលចំណូលពន្ធដារ និងទស្សនវិស័យសម្រាប់ឆ្នាំ២០២៦ វិធានការពង្រឹងអនុលោមភាពសារពើពន្ធ និងបច្ចុប្បន្នភាពថ្មីៗទាក់ទិននឹងពន្ធដារ ក្រោមកិច្ចដឹកនាំរបស់លោកបណ្ឌិត សេង ជាសិទ្ធ ប្រធាននាយកដ្ឋាននីតិកម្ម គោលនយោបាយសារពើពន្ធ និងសហប្រតិបត្តិការពន្ធដារអន្តរជាតិ តំណាងដ៏ខ្ពង់ខ្ពស់របស់ឯកឧត្តម គង់ វិបុល រដ្ឋមន្រ្តីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ និងលោកបណ្ឌិត Jinho Choi ប្រធានក្រុមបេសកកម្ម នៃអង្គភាពស្រាវជ្រាវម៉ាក្រូសេដ្ឋកិច្ចអាស៊ានបូក៣ (AMRO) ដោយមានការចូលរួមពីតំណាងនាយកដ្ឋាន និងមន្ត្រីពាក់ព័ន្ធនៃអគ្គនាយកដ្ឋានពន្ធដារ។

សេចក្តីប្រកាសព័ត៌មាន ស្តីពីទស្សនកិច្ចសិក្សារបស់គណៈប្រតិភូនៃអគ្គនាយកដ្ឋានពន្ធដារនៅរដ្ឋបាលពន្ធដារអូស្រ្តាលី ដើម្បីសិក្សាឈ្វេងយល់ពីឧត្តមានុវត្តន៍ នៃការគ្រប់គ្រងធនធានមនុស្ស ប្រព័ន្ធគ្រប់គ្រងធនធានមនុស្ស និងប្រព័ន្ធគ្រប់គ្រងការសិក្សាអេឡិចត្រូនិក