ក្រសួងសេដ្ឋកិច្ចនិងហិរញ្ញវត្ថុ

អបអរសាទរព្រះរាជពិធីច្រត់ព្រះនង្គ័ល

សូមអនុមោទនាពិធីបុណ្យវិសាខបូជា

អបអរសាទរទិវាពលកម្មអន្តរជាតិ

អបអរសាទរខួបលើកទី២៧ កម្ពុជាចូលជាសមាជិកអាស៊ាន

នាព្រឹកថ្ងៃចន្ទ ១១ កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៧ ខែមេសា ឆ្នាំ២០២៦ នៅសាលប្រជុំតាព្រហ្មនៃអគ្គនាយកដ្ឋានពន្ធដារ មានរៀបចំកិច្ចប្រជុំបូកសរុបលទ្ធផលការងារគ្រប់គ្រងប្រមូលចំណូលពន្ធប្រចាំខែមីនា និងសម្រាប់រយៈពេល ៣ខែ ឆ្នាំ២០២៦ ព្រមទាំងទិសដៅសម្រាប់អនុវត្តបន្តរបស់អគ្គនាយកដ្ឋានពន្ធដារ ក្រោមអធិបតីភាពដ៏ខ្ពង់ខ្ពស់ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ដែលមានការចូលរួមដោយផ្ទាល់ពី ឯកឧត្តម លោកជំទាវ លោកអគ្គនាយករង ទីប្រឹក្សាក្រសួងសេដ្ឋកិច្ចនិងហិរញ្ញវត្ថុ ថ្នាក់ដឹកនាំនាយកដ្ឋានថ្នាក់កណ្តាល ទីចាត់ការពន្ធដាររាជធានីភ្នំពេញ សាលាជាតិពន្ធដារ អង្គភាពសវនកម្មពន្ធដារពិសេស សាខាពន្ធដារខណ្ឌ ព្រមទាំងមានការចូលរួមតាមអនឡាញពីសាខាពន្ធដារខេត្ត និងមន្ត្រីរាជការពន្ធដារពាក់ព័ន្ធទាំងអស់ ក្រោមចំណុះអគ្គនាយកដ្ឋានពន្ធដារ៕