ក្រសួងសេដ្ឋកិច្ចនិងហិរញ្ញវត្ថុ

អ្នកជាប់ពន្ធមធ្យមត្រូវមានកាតព្វកិច្ចដូចជា៖
ក.ការចុះបញ្ជីពន្ធដារ
បុគ្គលទាំងឡាយ ត្រូវចុះបញ្ជីនៅរដ្ឋបាលសារពើពន្ធក្នុង​អំឡុងពេល ១៥ ថ្ងៃនៃថ្ងៃធ្វើការ ក្រោយ​ពីបុគ្គលនោះចាប់ផ្តើមធ្វើ​សកម្មភាព​សេដ្ឋកិច្ច ឬ​ក្រោពេលទទួល​​បានលិខិតបញ្ជាក់​ការចុះបញ្ជី ឬលិខិតអនុញ្ញាតពីក្រសួង-ស្ថាប័នពាក់ព័ន្ធ។

• ការចុះបញ្ជីពន្ធដារសម្រាប់ការិយាល័យតំណាង អ្នកជាប់ពន្ធត្រូវបំពេញទម្រង់ 101-P3 និងត្រូវភ្ជាប់ឯកសារដូចខាងក្រោម៖

• ការចុះបញ្ជីពន្ធដារសម្រាប់សមាគម និងអង្គការមិនមែនរដ្ឋាភិបាល អ្នកជាប់ពន្ធត្រូវបំពេញទម្រង់ 101-P1 និង

• ការចុះបញ្ជីពន្ធដារសម្រាប់ក្រុមហ៊ុនឯកជន/មហាជនទទួលខុសត្រូវមានកម្រិត​ អ្នកជាប់ពន្ធត្រូវបំពេញទម្រង់ 101-P2 និងត្រូវភ្ជាប់ឯកសារដូចខាងក្រោម៖

• ការចុះបញ្ជីពន្ធដារសម្រាប់ក្រុមហ៊ុនសហកម្មសិទ្ធិ អ្នកជាប់ពន្ធត្រូវបំពេញទម្រង់ 101-P4 និងត្រូវភ្ជាប់ឯកសារដូចខាងក្រោម៖

• ប្រាក់ចំណូលត្រូវគិតបញ្ចូលនៅក្នុងឆ្នាំដែលចំណូលនោះបានកើតឡើង ទោះបីប្រាក់ចំណូលនោះបានទូទាត់ ឬមិនទាន់ទូទាត់ក្ដី​
• ការកាត់កងចំណាយណាមួយអាចធ្វើទៅបាន លុះណាតែហេតុការណ៍បញ្ជាក់នូវបន្ទុករបស់អ្នកជាប់ពន្ធបានកើតឡើង លទ្ធផលនៃសកម្មភាព សេដ្ឋកិច្ចដែលជាប់ទាក់ទងដល់ខ្ទង់ចំណាយនោះបានកើតឡើង និងចំនួនទឹកប្រាក់ដែលជាបន្ទុករបស់អ្នកជាប់ពន្ធអាចបង្ហាញច្បាស់លាស់។

• វិក្កយបត្រអាករដល់អតិថិជនជាអ្នកជាប់ពន្ធតាមរបបស្វ័យប្រកាស    
• វិក្កយបត្រធម្មតាដល់អតិថិជនដែលជាអ្នកប្រើប្រាស់

• ប្រាក់រំដោះពន្ធលើប្រាក់ចំណូល៖ ប្រាក់រំដោះពន្ធនេះត្រូវបង់ជារៀងរាល់ខែ តាមអត្រា ១%នៃផលរបររួមទាំងអាករនានាលើកលែងអាករលើតម្លៃបន្ថែម
• អាករលើតម្លៃបន្ថែម៖ ត្រូវយកអាករលើធាតុចេញតាមអត្រា ១០% កាត់កងអាករលើធាតុចូលដែលអនុញ្ញាត
• ពន្ធកាត់ទុកលើការជួល៖ អ្នកជាប់ពន្ធមានកាតព្វកិច្ចជាភ្នាក់ងារកាត់ទុកដោយត្រូវកាត់ទុកតាមអត្រាដូចមានចែងក្នុងមាត្រា២៥ និងមាត្រា២៦ នៃច្បាប់សារពើពន្ធ
• ពន្ធលើប្រាក់បៀវត្ស ៖ សម្រាប់សហគ្រាសដែលមានបុគ្គលិកត្រូវជាប់ពន្ធ។

• ពន្ធប៉ាតង់៖ ១ ២០០ ០០០រៀល ក្នុង១ឆ្នាំ សម្រាប់១សកម្មភាព
• ពន្ធលើប្រាក់ចំណូល៖ការគណនាប្រាក់ចំណូលជាប់ពន្ធក្នុងឆ្នាំណាមួយ ត្រូវយកប្រាក់ចំណូលសរុបប្រចាំឆ្នាំនោះ ដកចំណាយអាចកាត់កងបានតាមបទប្បញ្ញត្តិស្តីពីពន្ធលើប្រាក់ចំណូល គុណអត្រាពន្ធដូចមានចែងក្នុងមាត្រា២០នៃច្បាប់ស្ដីពីសារពើពន្ធ
• ពន្ធអប្បបរមា៖ កំណត់តាមអត្រា ១% លើផលរបរប្រចាំឆ្នាំរួមទាំងអាករនានាលើកលែងអាករលើតម្លៃបន្ថែម (ក្នុងករណីកាន់បញ្ជីគណនេយ្យមិនបានត្រឹមត្រូវ)

• វិស័យផ្ទះសំណាក់ ឬសណ្ឋាគារ

• វិស័យភោជនីយដ្ឋាន

• វិស័យទេសចរណ៍

• វិស័យកសិកម្ម

• វិស័យពាណិជ្ជកម្ម

• វិស័យសំណង់

សហគ្រាសមានកាតព្វកិច្ចបង់ពន្ធប្រចាំខែដូចជា៖
- ប្រាក់រំដោះពន្ធលើប្រាក់ចំណូល
- អាករលើតម្លៃបន្ថែម
- ពន្ធលើប្រាក់បៀវត្ស
- ពន្ធកាត់ទុក
ឧទាហរណ៍៖ សហគ្រាស ក ផ្គត់ផ្គង់សេវាសាងសង់ ក្នុងខែសីហា ឆ្នាំ២០XX ទទួលបានចំណូលពីគម្រោងជួសជុលអាគារមួយក្នុងតម្លៃ ៣៣០ ០០០ ០០០ រៀល ហើយបានចំណាយឱ្យសហគ្រាស ខ ម៉ៅការបន្តផ្នែកប្រព័ន្ធទឹក និងភ្លើងក្នុងគម្រោងខាងលើក្នុងតម្លៃ ៥៥ ០០០ ០០០ រៀល ។ តើសហគ្រាស ក ត្រូវបង់ពន្ធប្រចាំខែអ្វីខ្លះ? (ចំណូល-ចំណាយរួមបញ្ចូលទាំងអាករ)
ចម្លើយ៖ សហគ្រាស ក ត្រូវបង់ពន្ធអាករដូចខាងក្រោម៖
ផលរបរគ្មានអាករ                          = ៣៣០ ០០០ ០០០ រៀល /១,១ = ៣០០ ០០០ ០០០រៀល
ប្រាក់រំដោះពន្ធលើប្រាក់ចំណូល           = ៣០០ ០០០ ០០០ រៀល x ១%
                                              = ៣ ០០០ ០០០រៀល
អាករលើធាតុចេញ                          = ៣០០ ០០០ ០០០ រៀល x ១០%
                                              = ៣០ ០០០ ០០០ រៀល
អាករលើធាតុចូលពីសហគ្រាស ខ         = (៥៥ ០០០ ០០០ រៀល/១,១) x ១០%
                                              = ៥ ០០០ ០០០ រៀល
អាករលើតម្លៃបន្ថែមដែលត្រូវបង់          = ៣០ ០០០ ០០០ រៀល - ៥ ០០០ ០០០ រៀល
                                              = ២៥ ០០០ ០០០ រៀល
ដូច្នេះ សហគ្រាសត្រូវបង់៖
-ប្រាក់រំដោះពន្ធលើប្រាក់ចំណូល          = ៣ ០០០ ០០០រៀល
-អាករលើតម្លៃបន្ថែម                        = ២៥ ០០០ ០០០ រៀល