ក្រសួងសេដ្ឋកិច្ចនិងហិរញ្ញវត្ថុ

វាក្យសព្ទនេះ សំដៅដល់៖

• ទីកន្លែងដែលបុគ្គលប្រើប្រាស់ពេលវេលាភាគច្រើនសម្រាប់ប្រកបអាជីវកម្មនៅទីនោះ
• ទីកន្លែងដែលថ្នាក់ដឹកនាំសហគ្រាស ឬក្រុមហ៊ុន ប្រើប្រាស់ សម្រាប់ធ្វើការដឹកនាំ គ្រប់គ្រង និងសម្របសម្រួលសកម្មភាពអាជីវកម្ម
• ទីកន្លែងចម្បងដែលអនុវត្ដសកម្មភាពអាជីវកម្ម។ ជាទូទៅ វាជាកន្លែងនៃការទុកដាក់ និងរក្សាបញ្ជី និងឯកសារសំខាន់ៗរបស់អាជីវកម្ម ហើយនិងជាទីកន្លែងប្រតិបត្ដិការជាក់ស្ដែងរបស់ប្រធាន និងក្រុមថ្នាក់ដឹកនាំសហគ្រាស/ក្រុមហ៊ុន
• ទីកន្លែងគោលដើមសម្រាប់ផ្គត់ផ្គង់ទំនិញ ឬសេវារបស់សហគ្រាស។

គឺជាកន្លែងគោលដែលកម្មសិទ្ធិករស្នាក់នៅជាក់លាក់ជាប្រចាំ ឬជាអចិន្ត្រៃយ៍ក្រោយពីពេលបំពេញកិច្ចការងារប្រចាំថ្ងៃ។

• នៅក្នុងបរិបទនៃបណ្ដឹងតវ៉ាតាមផ្លូវច្បាប់ កម្មវត្ថុនៃបណ្តឹងសំដៅដល់លក្ខខណ្ឌតម្រូវមួយ ឬតម្រូវការមួយដែលតុលាការមានសមត្ថកិច្ចទាមទារឱ្យធ្វើការបង្ហាញ ឬបកស្រាយនៅក្នុងតុលាការចំពោះរាល់បណ្ដឹងតវ៉ា ឬការទាមទាររបស់អ្នកប្ដឹង ដើម្បីបង្កើតបាននូវសញ្ញាណពិតប្រាកដនៃបណ្ដឹងតវ៉ា។
• សំដៅដល់គោលបំណងនៃការទាមទាររបស់អ្នកប្តឹង។ គ្រប់បណ្តឹងតាមផ្លូវតុលាការទាមទារឱ្យមានកម្មវត្ថុច្បាស់លាស់។ កម្មវត្ថុនៃបណ្តឹងអាចនាំឱ្យដឹងអំពីសញ្ញាណនៃបណ្តឹងបាន។

ជាកម្មវិធីមួយ ដែលបានបង្កើតឡើងដោយអគ្គនាយកដ្ឋានពន្ធដារសម្រាប់ឱ្យអ្នកជាប់ពន្ធអាចគណនាពន្ធលើប្រាក់បៀវត្សរៀងៗខ្លួនតាមរយៈទូរស័ព្ទដៃ ឬឧបករណ៍អេឡិចត្រូនិក។

នេះជាប្រភេទកម្មវិធីផ្ដល់សេវាជួយផ្សព្វផ្សាយលក់ទំនិញ និងសេវាបន្ដជូនដល់អតិថិជន ឬអ្នកប្រើប្រាស់តាមរយៈការបង្ហោះរូបភាព និងព័ត៌មានសំខាន់ៗស្ដីពីទំនិញ និងសេវានៅក្នុងគេហទំព័ររបស់ប្រតិបត្តិករ ដែលជាអ្នកផ្ដល់សេវាបន្ដនេះ។ តាមរយៈកម្មវិធីនេះ មា្ចស់ទំនិញ និងសេវា ឬអ្នកលក់ផលិតផលតាមប្រព័ន្ធអ៊ីនធឺណិតបង់កម្រៃជើងសាទៅឱ្យប្រតិបត្តិករ ដែលជាអ្នកផ្ដល់សេវាជួយណែនាំបន្ដការលក់ទំនិញ និងសេវា។ ប្រសិនបើអ្នកប្រើប្រាស់ចុចលើតំណភ្ជាប់ផលិតផលណាមួយក្នុងចំណោមផលិតផលទាំងនោះ អ្នកប្រើប្រាស់នឹងបានចូលទៅកាន់គេហទំព័ររបស់អ្នកលក់ផលិតផលដើម្បីធ្វើការបញ្ជាទិញ។ អ្នកលក់ផលិតផលអាចកំណត់អត្តសញ្ញាណប្រភពតំណភ្ជាប់នៃការណែនាំការលក់ ដើម្បីធ្វើការបង់នូវកម្រៃជើងសាជូនប្រតិបត្តិករគេហទំព័រ ប្រសិនបើអ្នកប្រើប្រាស់ទិញផលិតផលនោះ។

គឺជាកម្មវិធីចែករំលែកចំណេះដឹងពាក់ព័ន្ធនឹងច្បាប់ និងបទប្បញ្ញត្តិស្តីពីពន្ធដារ ដែលផ្សាយផ្ទាល់ពីគេហទំព័រហ្វេសប៊ុក (Facebook) ផ្លូវការរបស់អគ្គនាយកដ្ឋានពន្ធដារ សម្រាប់ផ្តល់ឱកាសឱ្យអ្នកជាប់ពន្ធធ្វើការសាកសួរជាសំណួរ ផ្ដល់មតិយោបល់ ឬសំណេះសំណាលដោយផ្ទាល់ជាមួយវាគ្មិនកិត្តិយសដែលជាថ្នាក់ដឹកនាំ និងមន្ត្រីជំនាញពាក់ព័ន្ធនៃអគ្គនាយកដ្ឋានពន្ធដារ។

គឺជាសិទ្ធិពេញលេញជាម្ចាស់លើទ្រព្យ ដែលរួមបញ្ចូលទាំងសិទ្ធិប្រើប្រាស់ សិទ្ធិអាស្រ័យផល និងសិទ្ធិចាត់ចែងលើទ្រព្យជាដើម។

សំដៅដល់បុគ្គលដែលជាម្ចាស់លើទ្រព្យអ្វីមួយ។

ឧ. :   សម្រាប់កម្មវត្ថុនៃពន្ធប្រថាប់ត្រា សំដៅដល់រូបវន្តបុគ្គល ឬនីតិបុគ្គលដែលមាន៖

-   ប័ណ្ណសម្គាល់សិទ្ធិ ឬប័ណ្ណសម្គាល់សិទ្ធិកាន់កាប់អចលនវត្ថុ ឬវិញ្ញាបនបត្រសម្គាល់ម្ចាស់អចលនវត្ថុ ឬ ប័ណ្ណប្រហាក់ប្រហែលដែលចេញដោយរដ្ឋបាលសុរិយោដី និងលិខិតផ្ទេរសិទ្ធិកាន់កាប់ប្រើប្រាស់ដី ឬ ផ្ទះសម្បែង ដែលចេញដោយអាជ្ញាធររដ្ឋបាលថ្នាក់ក្រោមជាតិ រួមមាន ឃុំ សង្កាត់ ឬស្រុក ក្រុង ខណ្ឌ។

-   ប័ណ្ណសម្គាល់យានយន្ត ឬជលយានយន្ត ដែលចេញ ដោយស្ថាប័នសាធារណការ និងដឹកជញ្ជូន។

សម្រាប់កម្មវត្ថុនៃពន្ធលើដីធ្លីមិនបានប្រើប្រាស់ វាក្យសព្ទនេះ សំដៅដល់ក្រុមគ្រួសារមួយ ដែលមាន ”ឪពុក ម្ដាយ សាមីខ្លួន ប្រពន្ធ កូនក្នុងបន្ទុក“ ឬមេគ្រួសារ និងសមាជិកក្នុងបន្ទុកមានឈ្មោះក្នុងប័ណ្ណគ្រួសារ ដែលចេញដោយស្ថាប័នមានសមត្ថកិច្ច។ ក្នុងន័យនេះ កម្មសិទ្ធិករ គឺត្រូវបានចាត់ទុកថា ជារូបវន្ដបុគ្គលតែម្នាក់។

• សំដៅដល់កម្មសិទ្ធិនៃការបង្កើត ឬការច្នៃប្រឌិតចេញពី បញ្ញាញាណនូវទ្រព្យ ដែលជាទូទៅសម្រាប់ប្រើប្រាស់ក្នុងគោលដៅពាណិជ្ជកម្ម។ កម្មសិទ្ធិបញ្ញាមានជាអាទិ៍ តក្កកម្ម ស្នាដៃអក្សរសាស្រ្ត និងសិល្បៈ និមិត្តសញ្ញា រូបភាពគំនូរ សិទ្ធិអ្នកនិពន្ធ និងសិទ្ធិប្រហាក់ប្រហែល ម៉ាក ម៉ូដែល និង គំនូរឧស្សាហកម្ម។ល។
• សម្រាប់កម្មវត្ថុនៃពន្ធលើចំណេញមូលធន កម្មសិទ្ធិបញ្ញា សំដៅដល់តក្កកម្ម សិទ្ធិអ្នកនិពន្ធ និងសិទ្ធិប្រហាក់ប្រហែល ម៉ាក ម៉ូដែល និងគំនូរឧស្សាហកម្ម ដែលត្រូវបានប្រើប្រាស់ក្នុងគោលដៅពាណិជ្ជកម្ម។